РЕАЛЕН ПЛУРАЛИЗАМ ИЛИ „ГОЛА ВОДА“: Партиските предлози се пеглаат, финалниот закон в понеделник оди во процедура

Работната група за реформи во изборното законодавство влезе во последната фаза од подготовката на измените на Изборниот законик. По денешниот состанок, на кој беа разгледани последните отворени прашања, се очекува висок степен на согласност меѓу политичките субјекти за усогласување на правилата со препораките на ОБСЕ/ОДИХР.

На денешната седница, членовите на работната група детално ги разгледаа предлозите доставени од политичките партии. Според информациите од состанокот, констатирано е дека за поголемиот дел од клучните решенија веќе постои консензус, што ја олеснува задачата за финализирање на текстот на законот.

Процесот продолжува утре, кога политичките партии треба електронски да се изјаснат за преостанатите неколку точки околу кои сè уште постојат нијанси во ставовите. Веднаш по ова електронско изјаснување, ќе се пристапи кон техничко подготвување на конечниот текст на законските измени.

Главната цел на овие реформи е унапредување на изборниот систем преку целосна имплементација на меѓународните препораки, со што треба да се обезбеди поголема транспарентност и ефикасност при организирањето и спроведувањето на идните изборни процеси во земјава.

Очекувањата се дека усогласеното законско решение ќе биде доставено во Собранието почетокот на наредната недела, со што ќе започне формалната процедура за негово усвојување. Овие измени се сметаат за круцијален чекор во зајакнувањето на демократските капацитети на државата, со оглед на претходните забелешки во извештаите на меѓународните набљудувачки мисии.