Прекин во водоснабдувањето во Центар и Гази Баба

Прекин во водоснабдувањето денеска од 9:00 часот до завршување на работите ќе имаат корисниците од улицата „13 Ноември“ во општина Центар, како и корисниците на дел од населбата Сингелиќ во општина Гази Баба.

Дополнително, од 10:00 часот без вода ќе останат и корисниците на дел од улицата „Наум Наумовски Борче“, на потегот од „Ленинова“ до „Орце Николов“, исто така во општина Центар.

Од ЈП Водовод и канализација – Скопје информираат дека прекините се поради:

• промена на вентил на Кеј „13 Ноември“ б.б., кај објектот на Комерцијална банка,

• изведување нов водоводен приклучок ф-80 мм на ул. „Пиринска“ бр. 49,

• реконструкција на водоводна мрежа ф-250 мм на ул. „Методија Андонов Ченто“ (кај Макпетрол) во населбата Сингелиќ.

Водоснабдувањето ќе биде нормализирано по завршување на работните активности.