Физички напад на паркингот кај тетовската Клиничка болница: Две лица претепале 28-годишник

На паркинг просторот во склоп на Клиничкиот центар во Тетово, вчера бил регистриран случај на физичко насилство, во кој настрадал 28-годишен маж.

Според официјалните информации од Министерството за внатрешни работи, инцидентот се случил на 6 август 2026 година, околу 12:30 часот. Нападнатиот А.И. (28) случајот го пријавил во Секторот за внатрешни работи Тетово еден час подоцна.

„Според пријавата, на паркинг просторот кај Клиничкиот центар, по кратка вербална расправија, оштетениот бил физички нападнат од страна на две машки лица“, соопштија од полицијата.

Од СВР Тетово информираат дека веднаш по пријавата се преземени соодветни оперативни мерки за утврдување на идентитетот на напаѓачите и целосно расчистување на случајот. По документирање на настанот, ќе бидат поднесени соодветни поднесоци против сторителите.