Мало поевтинување на горивата од полноќ: Дизелот паѓа за 3 денари, бензините за 1,5 денар – еве го новиот ценовник
Регулаторната комисија за енергетика донесе одлука за намалување на цените на сите нафтени деривати. Дизелот се спушта на 97 денари, а „95-ката“ на 98,50 денари за литар.
Регулаторната комисија за енергетика (РКЕ) донесе нова одлука за утврдување на највисоките малопродажни цени на нафтените деривати и горивата за транспорт, со која се врши општо намалување на ценовниците на бензинските пумпи ширум земјата.
Мало олеснување ќе почувствуваат возачите на возила со дизел-мотори, како и корисниците на екстралесното масло, со оглед на тоа што овие две горива бележат пад од цели три денари по литар. За 1,50 денари по литар поевтинуваат и двата типа бензин.
Новите максимални малопродажни цени од полноќ:
- ЕУРОДИЗЕЛ (Д-Е V): поевтинува за 3,00 денари/литар и новата цена изнесува 97,00 денари за литар (наспроти досегашните 100,00 ден).
- ЕУРОСУПЕР БС-95: поевтинува за 1,50 денари/литар и ќе се точи по цена од 98,50 денари за литар (наспроти досегашните 100,00 ден).
- ЕУРОСУПЕР БС-98: поевтинува за 1,50 денари/литар и новата цена изнесува 100,50 денари за литар (наспроти досегашните 102,00 ден).
- Екстра лесно масло за домаќинство (ЕЛ-1): поевтинува за 3,00 денари/литар со нова цена од 108,50 денари за литар.
- Мазут М-1 НС: поевтинува за 0,285 денари/килограм и ќе се продава по цена од 49,597 денари за килограм.
Новите намалени цени на горивата стапуваат на сила од полноќ (00:01 часот) и ќе важат во текот на следниот пресметковен период.