Македонската реге гордост Conquering Lion ја шири позитивната вибрација со нов музички албум „One World“

Еден од музичките бисери поради кој македонската реге култура веќе е светски препознаена и почитувана е токму тетовската реге група Conquering lion, која вчера го објави својот шести албум „One World“.

Conquering lion се формирани 2007 година во Тетово. Овие мајстори на добрите реге вибрации создадоа уникатен спој на roots reggae, dub и crossover звук кој ги освои љубителите на регето низ цела Европа но и пошироко.
Бендот зад себе има неколку забележителни албуми – I (2009), Know Your Wisdom (2011), Revelation (2013), Land of Confusion (2017), Revolution time (2020) изданија што привлекуваат внимание и на меѓународните реге медиуми.

Албумот „Land of Confusion“, дури беше номиниран за Best Reggae Album на 60-тите Grammy Awards (на нивното официјално издание) и номинација на порталот „Reggaeville“.

Нивната музика е препознатлива по позитивните пораки, социјалната свесност и чистата енергија што ја испорачуваат на секој настап.

Conquering Lion имаат настапувано со светски имиња како Manu Chao, Gentleman (Германија), Ras Zacharri (Јамајка), Donald Minott (Јамајка), Hornsman Coyote (Србија), а публиката ги памети и по нивните настапи на фестивали како „Seasplash“ во Хрватска, како и низ Македонија, Србија, Бугарија, Грција, Словенија и Германија.

Придружете се на нивното музичко патување и слушнете го најновото музичко поглавје наречено „One World“