Спортска хероина: Борачката Вероника Консевиќ со бронза на Медитеранските игри во Таранто

Македонскиот олимписки тим слави нов голем успех на меѓународната сцена. Истакнатата македонска борачка, Вероника Консевиќ, го освои бронзениот медал на Медитеранските игри во Таранто, со што уште еднаш ги потврди својот врвен квалитет и борбен дух.

Она што го прави овој успех навистина извонреден и инспиративен за целата јавност е фактот што Консевиќ стигна до победничкиот подиум во исклучително краток период откако се реализираше во својата најважна животна улога – како мајка.

По повод овој голем успех, со емотивна честитка преку социјалните мрежи се огласија од Македонскиот олимписки комитет (МОК):

„Нов ден, нов медал за Македонија! И покрај новата мајчинска животна улога, Вероника имаше сила и моќ да ни донесе заедничка радост. Ти благодариме Вероника што нè направи сите горди“, стои во објавата на олимпискиот тим.

Со ова одличје, македонското борење продолжува со континуитетот на освојување медали на големите натпреварувања, а Вероника испрати силна порака дека со силна волја, посветеност и љубов, мајчинството и врвниот спорт можат успешно да одат рака под рака.