Со поздравот „Христос воскресе” верниците денеска го одбележуваат Велигден – централниот празник на христијанската вера, кој се празнува како спомен на воскресението на Исус Христос и победата над смртта и гревот.

Воскресението – темел на христијанската вера

Според евангелските сведоштва и црковната традиција, Христос бил распнат во петок, положен во гроб, а во неделата наутро жените што дошле на гробот го нашле празен.

Посебно место во раскажувањата има Марија Магдалена, која прва се сретнала со веста за воскресението, а потоа Христос им се јавил и на своите ученици.

Велигден затоа не е само празник на радост, туку и темелна порака за надеж, обновување и живот.

Зошто Велигден секоја година паѓа на различен датум

Велигден е подвижен празник – не се празнува секоја година на ист датум. Неговото определување е врзано за првата недела по првата полна месечина по пролетната рамноденица.

Православните цркви користат поинаква пресметка од западните христијани, поради што празникот често се паѓа подоцна. Оваа година, православниот Велигден се празнува на 12 април.

Црвеното јајце – симбол на воскресението

Со Велигден се поврзани најпрепознатливите празнични обичаи, меѓу кои и бојадисувањето јајца, особено во црвена боја.

Во православната традиција, црвеното јајце симболизира:

• Воскресението и новиот живот
• Велигденската радост
• Во многу домови, првото обоено јајце се чува до следниот Велигден како чувар на домот

Велигден останува спој на вера, симболика и семејна традиција – ден кога христијаните ја слават идејата дека животот е посилен од смртта.

Христос воскресе – Навистина воскресе!