Општина Центар подели велигденски пакети за семејства во социјален ризик

Општина Центар во пресрет на велигденските празници реализираше хуманитарна акција со поделба на пакети со основни прехранбени производи за семејства во социјален ризик, како дел од континуираните активности за поддршка на најранливите категории граѓани.

Континуирана поддршка, не еднократна акција

Од општината нагласуваат дека ваквата поддршка не е еднократна, туку дел од редовните активности со кои во изминатите години обезбедуваат помош за граѓаните на кои им е најпотребна, особено во пресрет на поголемите празници.

Целта е најранливите категории да ги поминат празничните денови со достоинство, топлина и грижа.

Герасимовски: Никој не е сам

Градоначалникот Горан Герасимовски порача:

„Во духот на Велигден – празник на надежта, солидарноста и човечноста, важно е да покажеме дека никој не е сам. Оваа поддршка ја даваме континуирано и ќе продолжиме и во иднина. Како општина, остануваме посветени на помош за граѓаните на кои им е најпотребна.”