Почнува собирањето потписи за независни кандидати за градоначалници во четири општини

Денеска започна постапката за собирање потписи за независни кандидати за градоначалници во општините каде изборите се повторуваат поради недостиг на цензус. Станува збор за Гостивар, Врапчиште, Маврово и Ростуше и Центар Жупа, информира Државната изборна комисија (ДИК).

Собирањето потписи се врши пред службените лица во надлежните подрачни одделенија и канцеларии на ДИК, како и пред нотар. Потписите може да се достават секој работен ден во редовното работно време од 8:30 до 16:30 часот, а на последниот ден — 30 ноември 2025 година — процесот ќе трае до 24:00 часот.

Постапката за поднесување потписи за независни кандидатури завршува на 30 ноември 2025 година во 24:00 часот, по што ДИК ќе ги објави прифатените кандидатури.