Смртоносен убод од стршлен во Хрватска

Несреќен случај се случил во четврток претпладне во шумски предел во близина на Крижевац, каде што 54-годишен маж починал откако бил нападнат од стршлени, соопшти во петок копривничко-крижевачката полиција.

Според информациите, мажот сечел огревно дрво кога бил убоден од стршлени, по што му се слошило.

И покрај брзата лекарска интервенција, тој починал на местото на настанот.

Полицијата извршила увид, а мртвозорникот го прегледал телото, кое е пренесено на Одделот за патологија при Општата болница во Бјеловар за обдукција со цел утврдување на точната причина за смртта.

Надлежните потврдија дека во овој трагичен настан нема елементи на кривично дело.