СЕРВИСНИ ИНФОРМАЦИИ: Делови од Гази Баба и Карпош денеска без струја и вода

Жителите во делови од општините Гази Баба и Карпош денеска ќе се соочат со прекини во снабдувањето со електрична енергија и вода поради планирани технички зафати и санација на дефекти на мрежата.

Прекин на електрична енергија во Гази Баба

Од ЕВН Македонија АД информираат дека поради технички интервенции во електросистемот, во периодот од 08:00 до 12:00 часот без напојување со струја ќе бидат дел од корисниците лоцирани на улицата „Радован Ковачевиќ“ во општина Гази Баба.

Дефект на водоводната мрежа во Карпош

ЈП „Водовод и канализација“ – Скопје известува за прекин во водоснабдувањето во општина Карпош поради дефект на приклучна цевка на булеварот „Партизански одреди“ бр. 48А. Поради оваа интервенција, од 09:00 часот па сè до завршување на поправката, без вода ќе бидат корисниците од:

• улица „Мајаковска“;
• дел од булевар „Партизански одреди“ (потегот зад објектот на СЈО).

Надлежните служби апелираат до граѓаните за трпение и навремено обезбедување на потребните залихи на вода до целосна нормализација на состојбата.