РКЕ најавува намалување на цените на нафтените деривати од 28 ноември

Регулаторната комисија за енергетика, водни услуги и услуги за управување со комунален отпад (РКЕ) донесе одлука за намалување на малопродажните цени на нафтените деривати во просек за 1,26% во однос на претходната пресметка од 24 ноември 2025 година.

Според РКЕ, референтните цени на светскиот пазар бележат намалување во просек: бензините за 2,370%, дизелот за 6,738%, екстра лесното масло за 6,741%, а мазутот за 3,944%. Курсот на денарот во однос на доларот, кој е повисок за 0,4085% во однос на претходната пресметка, исто така е земен предвид при формирањето на новите цени.

Од 28 ноември 2025 година, со почеток од 00:01 часот, максималните малопродажни цени на нафтените деривати ќе изнесуваат:

• Моторен бензин ЕУРОСУПЕР БС-95: 75,00 ден/литар

• Моторен бензин ЕУРОСУПЕР БС-98: 77,00 ден/литар

• Дизел ЕУРОДИЗЕЛ БС (Д-Е V): 70,50 ден/литар (намалување за 2,50 ден/литар)

• Масло за горење Екстра лесно 1 (ЕЛ-1): 67,50 ден/литар (намалување за 2,00 ден/литар)

• Мазут М-1 НС: 34,865 ден/кг

Малопродажните цени на бензините ЕУРОСУПЕР БС-95 и ЕУРОСУПЕР БС-98, како и на Мазутот М-1 НС, остануваат непроменети.