Пукање во близина на Белата куќа – повредени двајца припадници на Националната гарда

(22:16) Се потврдуваат информациите дека двајцата припадници на Националната гарда кои беа застрелани во близина на Белата куќа се мртви.

Надлежните служби реагираа на пукање во централниот дел на Вашингтон, во непосредна близина на метро-станицата „Фарагут“ и на неколку минути пешачење од Белата куќа.

Според два независни извори за Fox News, во инцидентот биле застрелани двајца припадници на Националната гарда. Засега нема информации за нивната здравствена состојба.

Полицијата на Вашингтон соопшти дека е приведено едно лице осомничено за нападот. По пукањето, Белата куќа беше ставена под блокада, иако претседателот Доналд Трамп во моментот не се наоѓал во објектот.

Според американските медиуми, државниот обвинител Пам Бонди и директорот на ФБИ Каш Пател биле целосно известени за настанот и добиваат постојани ажурирања. Екипи на ФБИ се веќе на терен, но засега не се откриваат детали за идентитетот на осомничениот или можниот мотив за нападот.