Димитриеска-Кочоска: Целта не е укинување на зелениот картон, туку заштита на граѓаните од дополнителни трошоци

Министерката за финансии, Гордана Димитриеска-Кочоска, гостуваше во емисијата „Бизнис21“ на ТВ21, каде зборуваше за повеќе актуелни теми.

Во врска со прашањето за укинувањето на зелениот картон, таа истакна дека тоа не е опција, бидејќи би значело повисоки трошоци при регистрација на возилата.

Граѓаните не бараат укинување на зелениот картон, затоа што тоа би ја зголемило цената на регистрацијата – зелениот картон би бил вклучен во неа, без разлика дали некој патува надвор од државата или не. Нашата цел е да ги заштитиме граѓаните од дополнителни давачки“

нагласи министерката.

Таа додаде дека Министерството за финансии работи на пронаоѓање на најсоодветно решение кое ќе ги задоволи и граѓаните и осигурителните компании.