Македонија под под влијание на силно невреме – се очекуваат поројни дождови, силен ветер и град

Метеоролозите издадоа предупредување за денешниот ден, најавувајќи дестабилизација на временските прилики на територијата на целата држава. Се очекуваат обилни врнежи од дожд, електрични празнења и засилен ветер, кои во одредени региони може да преминат во поизразено невреме.

Според најновите прогнози, атмосферските процеси на локално ниво ќе бидат со висок интензитет. Покрај поројните дождови, се предвидува и силен ветер чија брзина ќе надминува 60 километри на час, како и зголемени услови за појава на град.

Надлежните служби препорачуваат поголема внимателност, особено за граѓаните кои планираат движење на отворен простор или патување. Се советува избегнување на престој под осамени дрвја и високи метални конструкции во случај на електрични празнења.

Возачите се повикуваат на внимателно управување со возилата поради можни наноси од вода на коловозите и намалена видливост предизвикана од силното невреме.