Водата во Скопје е безбедна за пиење, потврдуваат анализите на Водовод

Јавното претпријатие „Водовод и канализација” – Скопје соопшти дека водата на скопската територија е квалитетна и безбедна за пиење, според неделниот извештај базиран на анализите спроведени од Секторот за санитарна контрола.

Сите 372 примероци одговараат на стандардите

Секторот за санитарна контрола во периодот од 23 до 27 март спровел детални испитувања на квалитетот на водата за пиење:

• Земени се 186 примероци за физичко-хемиска анализа
• Земени се 186 примероци за микробиолошка анализа
• Примероците се земени од 42 мерни места низ Градот Скопје

Според добиените резултати, сите примероци одговараат на Правилникот за барања за безбедност и квалитет на водата за пиење, информираат од јавното претпријатие.