Полјак помина речиси 3.000 километри со Škoda Superb со просек од само 2,6 литри гориво

Полјакот Мико Марчук, познат по својата љубов кон ефикасното возење, повторно го привлече вниманието на автомобилските ентузијасти. Тој со својата Škoda Superb од четвртата генерација успеал да помине 2.831 километар – од Полска до Дизниленд во Париз и назад – со просечна потрошувачка од само 2,61 литри на 100 километри.

Возилото било стандардна верзија на Superb, но со пневматици со низок отпор при тркалање и спуштена суспензија за 15 милиметри. За споредба, официјалната комбинирана потрошувачка на овој модел е 4,8 литри на 100 километри.

Шампонот вели дека тајната на економичното возење не е сложена.

„Притисокот во гумите е клучен – секогаш придржувај се до препорачаното ниво,“ објаснува тој, нагласувајќи дека правилниот притисок значително ја намалува потрошувачката.

Тој додава дека мекото возење и предвидливоста се еднакво важни:

„Гледај напред, предвидувај и обиди се да кочиш што е можно помалку, а забрзувај нежно и постепено,“ вели Шампонот.

Покрај техничките совети, тој посочува и на важноста на добриот одмор пред патување:

„Секогаш се трудам да бидам максимално одморен кога возам. Спијам по седум до осум часа на ноќ – само така можам да бидам фокусиран и ефикасен зад воланот.“

Неговиот пример уште еднаш покажува дека со разумно возење и мала дисциплина, може значително да се намали потрошувачката на гориво без губење на удобноста при возење.