Трамп го одреди датумот на УФЦ спектаклот во Белата куќа – ќе се одржи на неговиот 80. роденден

Американскиот претседател Доналд Трамп конечно го објави датумот на долго најавуваниот УФЦ спектакл што планира да го одржи во Белата куќа. Боречкиот настан, кој произлегува од очигледната наклонетост на Трамп кон овој спорт и неговото пријателство со претседателот и директор на УФЦ, Дана Вајт, ќе се одржи на 14 јуни 2026 година, на 80-тиот роденден на Трамп, пренесува „Ројтерс“.

Настанот е замислен како дел од пошироката прослава на 250-годишнината од американската независност, која Трамп ја опиша како „Great American State Fair“. Според пишувањата на Wall Street Journal, претседателот лично е вклучен во планирањето на овој голем проект.