Јокиќ ги избегнуваше медиумите на Евробаскет, но сега нема каде: Го чека прашање тешко 80.000.000 долари!

Познато е дека Никола Јокиќ не сака да дава изјави за медиуми и секогаш кога нема обврска, успешно ги избегнува новинарите, што го докажа и на Евробаскетот. Сепак, дојде денот кога ќе мора да застане пред камерите, бидејќи Денвер Нагетс денеска закажаа ден за медиуми.

Никола Јокиќ не сакаше да ја прифати понудата на Денвер Нагетс вредна 207 милиони долари и одби да го продолжи договорот, одлучувајќи да почека до летото 2026 година за да ги продолжи разговорите. Тогаш Денвер ќе може да му понуди дополнителна година во договорот, вредна уште 80.000.000 долари, па јасно е дека Јокиќ токму поради тоа ги стави Нагетс „на пауза“.