Станиќ веќе има „италијанско“ искуство, сме одиграле и реми против „Азурите“ во минатото

Македонската фудбалска репрезентација до 21. година денеска во Битола, на стадионот Петар Милошевски, ќе го одигра вториот дуел од тековните квалификации против репрезентацијата на Италија. Се е подготвено по 31. година националниот фудбал да се врати во Битола, на сега веќе реновираниот стадион и тоа во ноќен термин под рефлектори.

Интересен е фактот кој вели дека токму нашиот актуелен селектор на оваа генерација Горан Станиќ има квалификациско искуство против Италија. На У19 турнирот во Скопје во 2015 година, кога ја предводеше Македонија во поразот од 2:3. Тоа беше генерацијата на Боби Целески, Дин Аломеровиќ, Стефан Јевтоски, Нехар Садики, Шаип Тела, Ремзифаик Селмани, Мартин Христов, Бурим Авдулахи,Давор Здравковски, Емил Абаз, Валентин Кочоски, Стефан Лазаревиќ, Петар Петковски. Од другата страна на пример за Италија во таа генерација на комплексот ФФМ настапи еден Федерико Ди Марко, Мануел Локатели и голманот на Наполи, Алекс Мерет.