Оперативниот директор на телевизија „Алсат-М“, Лирим Хајредини е пронајден мртов близу ТЦ „Мавровка“

Оперативниот директор на националната телевизија „Алсат-М“, Лирим Хајредини, утрово е пронајден мртов во близина на трговскиот центар „Мавровка“ во Скопје.

Полициски екипи веднаш излегле на терен и го обезбедиле местото на настанот каде што е пронајдено безживотното тело. Според првичните процедури во вакви случаи, телото на починатиот по наредба на јавен обвинител ќе биде предадено на обдукција за да се утврдат точните причини за смртта.

Хајредини беше долгогодишен оперативен директор на „Алсат-М“, првата национална телевизија која емитува програма на албански и македонски јазик, и важеше за истакнат професионалец во медиумскиот сектор.

Од Министерството за внатрешни работи се очекуваат подетални информации по завршувањето на увидот и првичните истражни дејствија.