Горјан Гого Славески со седма победа во БКФЦ – технички нокаут за само 94 секунди

Македонскиот борец Горјан Гого Славески запиша нова импресивна победа во БКФЦ (Бокс со голи раце), совладувајќи го Џа Фар Форт уште во првата рунда со технички нокаут.

Дуелот траеше само една минута и 34 секунди, период во кој Славески доминираше од самиот почеток. Со агресивен пристап и серија прецизни удари, тој го принуди судијата четирипати да ја прекине акцијата пред конечната одлука дека Форт не може да продолжи.

Со оваа победа, Славески го подобрува својот професионален биланс на осум борби – седум победи и еден пораз – и повторно се издвојува како сериозен претендент за шампионската титула, со амбиција да се врати на врвот на организацијата.