ПОЛИЦИСКА ВЕЖБА ВО СКОПСКО ГРАЧАНИ: МВР со апел за почитување на насоките од службените лица

Министерството за внатрешни работи (МВР) ја информира јавноста дека утре, 10 јуни 2026 година, во атарот на скопското село Грачани ќе се спроведе планирана симулациска вежба.

Според најавата, вежбата ќе се реализира во времетраење од еден час, поточно во периодот од 12:00 до 13:00 часот.

За потребите на оваа симулација, на терен ќе бидат ангажирани поголем број полициски службеници и службени возила. Поради тоа, во наведениот реон е можно засилено присуство на припадници на безбедносните служби, што е дел од редовните протоколи за изведување на ваков тип активности.

Од Министерството упатуваат апел до граѓаните кои во тој период ќе се најдат во близина на локацијата да не се вознемируваат и во целост да ги почитуваат насоките и упатствата дадени од полициските службеници на терен.