Три торнада се образуваа над Црното Море кај турскиот град Зонгулдак

Над морето во близина на турскиот црноморски град Зонгулдак се појавија три торнада, јавува весникот „Милиет“.

Необичниот природен феномен бил снимен од луѓето на брегот, а видеата брзо се проширија на социјалните мрежи.

Според турските метеоролози, ваквите „водени торнада“ може да станат сè почести во Црното Море со опаѓањето на температурите. Тие ги предупредија рибарите и сопствениците на мали пловни објекти да бидат особено внимателни.

Прво биле забележани две торнада едно до друго, а кратко потоа се појавило и трето, нешто подалеку од нив.