ПРИТВОР ЗА КОСОВСКИ ДРЖАВЈАНИН: Со тесла ограбил тобако во Скопје, по една недела се вратил да го повтори делото

Основното јавно обвинителство Скопје поведе постапка против 39-годишен државјанин на Косово, осомничен за кривично дело „тешка кражба“ и обид за повторување на истото дело. Осомничениот, кој престојувал непријавено во земјава, во два наврати цел на напад му бил ист тобако-маркет во главниот град.

Според деталите од истрагата на Обвинителството, првиот инцидент се случил на 11 април. Осомничениот со употреба на тесла го скршил стаклото од влезната врата на маркетот, по што влегол внатре и извршил пребарување. Од објектот одзел пари од дневниот промет, алкохолни пијалаци, цигари и разновидни производи, со што предизвикал вкупна материјална штета од 52.900 денари. По извршената кражба, тој побегнал од местото на настанот со велосипед.

Седум дена подоцна, на 18 април, 39-годишникот се вратил на истото место со намера да ја повтори кражбата на идентичен начин. Сепак, овојпат неговиот обид бил спречен откако бил забележан од случајни минувачи и вработени, кои веднаш алармирале во полиција.

Јавниот обвинител до судијата на претходна постапка достави предлог за определување мерка притвор. Како главни причини за ова барање се наведуваат опасноста од бегство, со оглед на тоа што станува збор за странски државјанин без регулиран престој, како и можноста тој да го повтори делото.

Надлежните служби продолжуваат со прибирање на докази за целосно расчистување на случајот.