Собраниската дебата добила средна оценка 5,7 – слаба аргументација, но помалку навреди

Квалитетот на собраниската дебата за 2025 година бележи благи подобрувања, но останува на средно ниво со оценка 5,7 од можни 10. Опозицијата е поактивна со 63 отсто од настапите, намалени се личните навреди, но говорите на пратениците се слабо аргументирани, а за младите и ранливите групи речиси и не се дебатира.

Оценка 5,7 – аргументацијата ја влече надолу

Според анализата на Институтот за демократија, собраниската дебата добила средна оценка од 5,7 од можни 10.

„Ниското ниво на аргументацијата во репликите и контрарепликите ја бутка целокупната оценка генерално”, изјави Марко Трошановски од Институтот.

Позитивни трендови

• Намалени лични навреди и дисквалификации меѓу политичките противници
• Зголемена активност на опозиционите пратеници од албанските политички партии
• Благо подобрување во квалитетот на настапите

Негативни трендови

• Слаба аргументација во говорите
• Недоволна дебата за ранливи и маргинализирани групи
• За младите се дискутира само при меѓусебни обвинувања за иселувањето

Опозицијата двојно поактивна

Канцелариите за контакт – слабо функционираат

Анализата покажа дека институтот канцеларии за контакт со граѓаните слабо функционира, а одредени пратеници воопшто немале контакти.

Неда Малеска Сачмароска од Центарот за управување со промени посочи дека граѓаните најчесто барале помош за вработување, но и за транспорт, инфраструктура и социјални услуги.

„Толку се поделени граѓаните во однос на политичката припадност што просто не се осмелуваат да влезат во канцеларијата на друг пратеник, бидејќи ќе бидат перцепирани како да припаѓаат на одредена политичка партија”, рече Малеска Сачмароска.

Караван за директен контакт со граѓаните

Од НДИ најавија дека од 27 април до 5 мај ќе стартува годишниот караван за директни контакти на граѓаните со пратениците, со посета на 8 градови. На караванот ќе бидат промовирани алатки за приближување на работата на Собранието до граѓаните.