Бензините поевтинуваат до 3 денари, дизелот останува ист – експертите предупредуваат на стагфлација

Регулаторната комисија за енергетика одлучи од полноќ цената на бензините да се намали за 2,5 до 3 денари за литар, додека дизелот останува непроменет. Паралелно, академикот Таки Фити предупредува дека намалувањето на ДДВ-то не е доволно за да се спречи стагфлација и бара интервенција и во акцизите.

Нови цени од полноќ

Според одлуката на РКЕ, новите максимални малопродажни цени се:

РКЕ донесе и одлука за намалување на износот за работење преку склад – од 1,70 на 1,20 денари по литар.

Причината за поевтинувањето на бензините е падот на берзанските цени од 3,76 отсто во последната недела, додека кај дизелот е забележан раст од 1,6 отсто. Курсот на денарот во однос на доларот е понизок за 0,5 отсто.

Фити: Потребна е интервенција во акцизите, не само во ДДВ

Академикот Таки Фити, во интервју за Блумберг Адрија, предупреди дека привременото намалување на ДДВ-то од 18 на 10 отсто не е доволно за да се спречи влез на македонската економија во стагфлација – комбинација на низок раст, висока инфлација и зголемена невработеност.

„Оваа енергетска криза е многу потешка од кризата во 2022 година, бидејќи за 20 дена цената на нафтата порасна 70 отсто”, рече Фити, потсетувајќи дека Македонија и тогаш имаше највисока стапка на инфлација во регионот.

Тој смета дека многу поефикасна мерка е интервенција во акцизите, повикувајќи ја и Комисијата за заштита на конкуренцијата да реагира:

„Имаме силни тенденции на неоправдано покачување на цените и користење на оваа ситуација за да се остварат големи профити”, рече Фити, додавајќи дека ќе биде неопходно Народната банка да ги зголеми каматните стапки, а државата да прави ребаланс на буџетот.

„Ако инфлацијата се разгори и дојде до стагфлација, потоа тешко ќе се вратат работите назад”, предупреди академикот.