Акциска контрола во Скопје: Точен алкохол на малолетници во угостителски објект во Центар, приведено едно лице

Полициски службеници од Одделот за криминалистичка работа (ОКР) Центар и Бит Пазар спроведоа акциска контрола во централното градско подрачје на Скопје, при што во еден угостителски објект на подрачјето на Општина Центар биле затекнати малолетни лица кои консумирале алкохол.

Контролата била реализирана во периодот од 19:00 до 03:00 часот, во ноќта меѓу 7 и 8 февруари 2026 година, и била насочена кон санкционирање на присуство на малолетници во угостителски објекти по 24:00 часот, како и спречување на точење алкохолни пијалоци на лица под 18 години.

При интервенцијата, полицијата лишила од слобода 20-годишна вработена во објектот, поради основано сомнение за сторено кривично дело по член 204 од Кривичниот законик – „точење алкохолни пијалоци на малолетници“.

За настанот е известен Државниот пазарен инспекторат, а по целосно документирање на случајот, надлежните институции најавуваат поднесување соодветни пријави.