Општина Центар со интензивни активности за расчистување на снегот, фрлени 15 тони сол

4

Службите на Општина Центар од раните утрински часови се ангажирани на терен со засилени активности за расчистување на снегот и обезбедување безбедни услови за сообраќај и движење на граѓаните. Досега на коловозите се фрлени околу 15 тони сол, при што приоритет им се дава на најкритичните сообраќајни точки.

Како што информираат од Општината, механизацијата интервенира и на пристапните патишта кон Водно, каде што паралелно се врши чистење на снегот и посипување со сол. Истовремено, екипите работат и на расчистување на тротоарите, пешачките патеки, како и на просторот околу здравствените установи, училиштата и детските градинки, со цел непречено и безбедно движење на граѓаните и учениците.

Од Општина Центар апелираат до граѓаните да пријавуваат проблематични и критични локации, за службите навремено да реагираат. Пријавувањето може да се направи на телефонските броеви 075 219 068, 076 313 381 и 075 476 768.

„Екипите се постојано на терен, располагаме со доволни количини сол, а механизацијата континуирано интервенира на сите локации што се во надлежност на Општина Центар“, изјави градоначалникот Горан Герасимовски.

Македонски