Почна кампањата за повторените локални избори во Гостивар, Маврово Ростуше, Врапчиште и Центар Жупа

Од полноќ на 22 декември официјално започна изборната кампања за повторените локални избори за градоначалници во општините Гостивар, Маврово Ростуше, Врапчиште и Центар Жупа, кои ќе се одржат на 11 јануари 2026 година, веднаш по новогодишните и божикните празници.

Според Роковникот за изборни дејствија, кампањата за првиот круг ќе трае до 9 јануари, кога започнува изборниот молк.

Кандидати по општини

Гостивар

• Невзат Бејта – кандидат на коалицијата Вреди

• Ваљбон Лимани – независен кандидат од НАИ

Врапчиште

• Исен Шабани – кандидат на НАИ

• Зуљхајрат Демири – поддржан од Група избирачи „Зуљхајрат Демири“

Центар Жупа

• Аријан Ибраим – кандидат на Демократската партија на Турците
  (единствен кандидат во општината)

Маврово и Ростуше

• Онер Јакупоски – поддржан од Коалицијата „Твоја Македонија“ предводена од ВМРО-ДПМНЕ

• Анес Ахмети – кандидат на СДСМ

Причина за повторување на изборите

Изборите во овие четири општини се повторуваат затоа што на локалните избори 2025 година не беше постигната законската излезност од најмалку 33,33 проценти од запишаните гласачи, што е услов за изборите да се сметаат за успешни.

Според податоците на Државната изборна комисија (ДИК), одѕивот во првиот круг на 19 октомври бил:

• Гостивар – 33,31 %

• Врапчиште – 25,18 %

• Маврово и Ростуше – 30,31 %

• Центар Жупа – 21,49 %

Граѓаните во овие општини повторно ќе имаат можност да го изберат својот градоначалник на 11 јануари 2026 година, а изборниот процес ќе се одвива според истите правила и процедури како и редовните локални избори.