РКЕ: Од 1 јануари се намалуваат надоместоците за дистрибуција, пренос и регулирани услуги во електроенергетскиот систем

Од 1 јануари идната година ќе стапат во сила пониски надоместоци за клучни енергетски услуги – дистрибуција, пренос и операторот на пазарот со електрична енергија, соопшти Регулаторната комисија за енергетика (РКЕ).

Новите намалувања изнесуваат:

• 3,64% пониско користење на електродистрибутивниот систем – Електродистрибуција

• 2,67% пониско користење на преносниот систем – МЕПСО

• 3,40% пониска цена на пазарниот оператор – МЕМО

Според РКЕ, со овие одлуки веќе се затворени сите елементи што ја формираат крајната цена на струјата:
набавната цена и количина на електрична енергија
трошоците на мрежните оператори
набавките за технички загуби

Сега останува универзалниот снабдувач ЕВН Хоум, под надзор на РКЕ, да ги направи конечните пресметки по блокови и да ги објави новите цени.

Колку влијае РКЕ врз крајната цена?

Претседателот на РКЕ, Марко Бислимоски, пояснува дека делот што РКЕ го регулира влијае околу 36% од крајната цена на струјата.

Учеството на секој елемент во крајната цена изгледа вака:

• 33% – надоместок за дистрибуција

• 4% – надоместок за пренос

• 0,19% – надоместок за МЕМО

Овие намалувања треба да имаат умерено позитивно влијание врз финалната цена на сметките за струја, а точните износи ќе бидат познати по објавувањето на цените по блокови од ЕВН Хоум.