Трамп: Иран се обидува да постигне договор, но „малку е доцна за тоа”

Претседателот на САД, Доналд Трамп, синоќа изјави дека Иран се обидува да воспостави контакт за постигнување договор, но дека американската страна смета оти е предоцна за дипломатија. Трамп најави дека американската армија, заедно со Израел, ги продолжува операциите против Иран „целосно и далеку пред предвидениот рок”.

„Малку доцните”

Трамп откри дека иранската страна се обидела да воспостави комуникација со Вашингтон.

„Тие се јавуваат, прашуваат: ‘Како можеме да постигнеме договор?’ Јас реков: ‘Малку доцните'”, изјави Трамп, додавајќи дека САД во моментов повеќе од Иран сакаат да продолжат со борбените операции.

„Уништување на непријателот далеку пред рокот”

Американскиот претседател најави дека воените операции продолжуваат со полн интензитет.

„Војската на САД, заедно со своите прекрасни израелски партнери, продолжува целосно да го уништува непријателот далеку пред предвидениот рок и на нивоа што не се видени досега”, рече Трамп.